8.thimmireddy maku nichche

Sample Audio link with notation: 
Ragam : Arabhi
తిమ్మిరెడ్డి మాకునిచ్చె దిష్టమైన పొలము
బొమ్మిరెడ్డి కప్పగించి పోదిసేసెఁ బొలము

నిండినట్టిమడుగుల నీరువంకపొలము
కొండలుమోచిన పెద్దగొబ్బరపుఁబొలము
అండనే పొలమురాజులుండేటి పొలము
చెండివేసి మాకులెల్లా సెలగిన పొలము

ఆసపడి వరదానమడిగిన పొలము
బాసలతోఁ గడు నెత్రుపట్టమైనపొలము
రాసికెక్కే మునులకు రచ్చైనపొలము
వేసరక నాగేట వేగిలైన పొలము

మంచి గురుతైన రావిమేనిచేనిపొలము
వంచిన గుఱ్ఱముఁ దోలే వయ్యాళి పొలము
యెంచగ శ్రీవేంకటేశు నిరవైన పొలము
పంచుకొని లోకులెల్లా బ్రదికేటిపొలము